बार्सिलोनाका लागि अर्जेन्टाइन स्टार लियोनल मेस्सीलाई विश्वमा नचिन्ने को होला ?

एल क्लासिकोमा रियल मड्रिडलाई उसकै घरेलु मैदानमा पराजित गरेसँगै थप चर्चामा पुगेका मेस्सीका एक समर्थक आजभोलि चर्चामा आएका छन् ।

इरानी समर्थक रिजा पेरेस्तेस फुटबलर लियोनल मेस्सी जस्तै देखिन्छन् । सामान्य अवस्थामा उनलाई भेट्दा जो कोही पनि झुक्किन सक्छ ।

इरानको एक समान्य परिवारमा जन्मिएका रिजा लियोनल मेस्सीको देश अर्जेन्टिनाको जर्सीमा भेटिएको फोटो इरानको समाचार संस्था मिहरले तस्वीर सार्वजनिक गरेको थियो ।

उनको अनुहार मात्र नभएर गेटअप समेत मेस्सीसँग मिल्दो जुल्दो रहेको छ । उनलाई देख्ने जो कोही फुटबल फ्यान झुक्किने अन्तर्राष्ट्रिय सञ्चार माध्यमहरुले जनाएका छन् ।