काठमाडौं, १५ वैशाख –शंकर गु्रपको भगिनी कम्पनी जगदम्बा स्टिल्सले राईनो फलामे डण्डीको उत्पादन थालेको छ । ‘ग्यारेण्टिड डक्टिलिटी’ सहितको ‘एफइ ५०० डी ग्रेड’मा कम्पनीले फलामे डण्डी उत्पादन थालेको हो ।

उत्पादनका सम्बन्धमा प्राविधिक जानकारी दिन आयोजना गरिएको कार्यक्रममा बोल्दै जगदम्बा स्टिल्स प्रालिका प्रमुख कार्यकारी अधिकृत आनन्द नेपालले राइनो ५०० डी नेपालमा भएको फलामे डण्डीभन्दा भिन्न र उच्च गुणस्तरीय भएको बताए । यस्तो छड नेपालमा पहिलोपटक उत्पादन थालिएको उनले दावी गरे ।

उत्पादन प्रक्रिया, भौतिक तथा उचित रसायनिक गुणको सम्मिश्रणले राईनो बजारका अन्य उत्पादनभन्दा फरक रहेको कम्पनीको दावी छ ।

डण्डीमा ग्रेड एफई ५०० डीमा सल्फर र फोस्फोरसको सम्मिश्रणको अधिकतम ०.०७५ प्रतिशत मात्र प्रयोग भएको छ । राईनो बजारमा पाइने डण्डिमा (एफइ ५०० ग्रेड) हरू भन्दा ३३ प्रतिशत बढी लचकताको गुण रहेको कम्पनीले बताएको छ ।

राईनो उच्च भुकम्पिय जोखिम भएको नेपालका लागि अति उपयोगी हुने कम्पनी बताउँछ ।
कम्पनीको विशेष खुद्रा विक्री केन्द्रमार्फत उपभोक्ताले ८ एमएम देखि ४० एमएम सम्मको साइजको राईनो ५०० डी फलामे डण्डी खरिद गर्न सक्छन् ।