सल्यान, १६ वैशाख– चुनाव नजिकिएसँगै दलहरुले स्थानीय तहमा उमेदवार चयनलाई तिब्रता दिएका छन् । उम्मेदवार चयनलाई तिब्रता दिएका प्रमुख दलहरुमा उम्मेदवार चयनमा असन्तुष्टि देखिएको छ ।
यसैक्रममा नेकपा माओवादी केन्द्रमा सातजना केन्द्रीय सदस्यले राजीनामा दिएका छन् । उनीहरुले उम्मेदवारी चयनमा चित्त नबुझेका कारण केन्द्रीय सदस्यबाट आफूहरुले राजिनामा दिएको जनाएका छन् ।
केन्द्रीय सदस्य ज्ञानबहादुर वल, सेतिराम वल, हरिलाल डिसी, सुम्निमा डिसी, टंकप्रसाद शर्मा, टिकाराम वली र कमला वलीले राजीनामा दिएका हुन् ।
उनीहरुले माओवादी केन्द्रले पार्टीको ६ नम्बर प्रदेशले अन्यायपूर्ण ढंगले बागचौर नगरपालिकाको लागि मेयर र उपमेयरका छनौट गरेको भन्दै राजीनामा दिएको बताएका छन् ।
लामो समयदेखि पार्टी लागेका पुराना अग्रज नेताहरु हुँदाहुँदै लोकमान बुढाथोकीलाई टिकट दिइएकोमा उनीहरुले आपत्ति जनाएका छन् । लोकमान बुढाथोकी सल्यान रुकुम यातायात समितिका अध्यक्षसमेत हुन् ।
उनीहरुले पार्टीमा लामो समय काम गरेका क्षेत्रमा योगदान पु-याएका नेतालाई पार्टीले धोका दिएको समेत आरोप लगाएका छन् ।
