०२ असार २०८३, मंगलबार
नेकपालाई परराष्ट्रमन्त्रीको ब्रिफिङ– ३ पटक ताकेता गर्दा पनि वार्ताका लागि तयार भएन भारत
भारतसँगको सीमा समस्या समाधानबारे परराष्ट्रमन्त्री प्रदीप ज्ञवालीले नेकपा सचिवालय बैठकलाई ब्रिफिङ गरेका छन् ।
प्रधानमन्त्री निवास बालुवाटारमा शुक्रवार बसेको सचिवालय बैठकमा मन्त्री ज्ञवालीले गत नोभेम्बरमा भारतले नयाँ नक्सा जारी गरेपछि उत्पन्न समस्या समाधानका लागि सरकारले गरेको प्रयासबारे जानकारी गराएका हुन् ।
मन्त्री ज्ञवालीले भारतसँग नोभेम्बर, डिसेम्बर र जनवरीमा वार्ताका लागि पहल गरेपनि भारतले चासो नदेखाएको बैठकलाई जानकारी गराएको संस्कृति पर्यटन तथा नागरिक उड्डयनमन्त्री योगेश भट्टराईले जानकारी दिए ।
भारतले नयाँ नक्सा प्रकाशित गरेलगत्तै कूटनीतिक नोट पठाएर विरोध जनाएको मन्त्री ज्ञवालीले बताए ।
बैठकमा सदस्यहरूले कालापानी लिम्पियाधुरा र लिपुलेक समेटेर नयाँ नक्सा जारी गरेकोमा समर्थन जनाएका थिए ।
शुक्रवारको बैठकमा बोल्ने लीलामणि पोखरेल, बेदुराम भुसाल, मातृका यादव र पम्फा भुसाललगायत सदस्यहरूले नयाँ नक्सामा समेटिएको नेपाली भूमिमा भोगचलन गर्नका लागि सरकारले कूटनीतिक पहललाई तीब्र बनाउनु पर्ने बताएका थिए ।
नेपालमा थप ५९३ जनामा कोरोना संक्रमण,कुल संख्या ११ हजार ७५५ पुग्यो
नेपालमा कोरोनाभाइरस (कोभिड- १९) संक्रमितको संख्या ११ हजार ७५५ पुगेको छ ।
स्वास्थ्य तथा जनसंख्या मन्त्रालयद्वारा शुक्रवार आयोजित नियमित पत्रकार सम्मेलनमा पछिल्लो २४ घण्टामा थप ५ सय ९३ जनामा संक्रमण पुष्टि भएको जानकारी दिइएको हो ।
कुल संक्रमितमध्ये २ हजार ६ सय ९८ जना निको भएर घर फर्किएको प्रवक्ता डा. जागेश्वर गौतमले जानकारी दिए ।
उनका अनुसार पछिल्लो २४ घण्टामा ४८ जना अस्पतालबाट डिस्चार्ज भएका छन् ।
मृतकको संख्या भने २७ पुगेको छ ।
दाङमा अस्पतालनजिकै मृत भेटिएकी महिलामा कोरोना संक्रमण पुष्टि,पहिचान खुल्न बाँकी
नेपालमा कोरोनाभाइरस (कोभिड १९) संक्रमण भएका मृतकको संख्या २७ पुगेको छ ।
पछिल्लोपटक एक जनाको मृत्यु भएको जानकारी स्वास्थ्य तथा जनसंख्या मन्त्रालयले शुक्रवार पत्रकार सम्मेलन गरी दिएको छ ।
अन्दाजी २५/३० वर्षीय महिला राप्ती स्वास्थ्य विज्ञान प्रतिष्ठान दाङ नजिकै अचेत अवस्थामा भेला परेको र अस्पतालमा लैजाँदा मृत रहेको पुष्टि भएको थियो ।
मृतकको स्वाब संकलन गरी जाँच गर्दा असार १२ गते नतिजा पोजेटिभ आएको मन्त्रालयले जनाएको छ ।
उनको अहिलेसम्म पहिचान नखुलेको मन्त्रालयले जनाएको छ ।
नेपालमा कोरोनाभाइरस (कोभिड- १९) संक्रमितको संख्या भने ११ हजार ७५५ पुगेको छ ।
स्वास्थ्य तथा जनसंख्या मन्त्रालयद्वारा शुक्रवार आयोजित नियमित पत्रकार सम्मेलनमा पछिल्लो २४ घण्टामा थप ५ सय ९३ जनामा संक्रमण पुष्टि भएको जानकारी दिइएको हो ।
कुल संक्रमितमध्ये २ हजार ६ सय ९८ जना निको भएर घर फर्किएको प्रवक्ता डा. जागेश्वर गौतमले जानकारी दिए ।
उनका अनुसार पछिल्लो २४ घण्टामा ४८ जना अस्पतालबाट डिस्चार्ज भएका छन् ।
३ करोड नाघ्यो नेपालको जनसंख्या
नेपालको जनसंख्या ३ करोड नाघेको छ ।
केन्द्रीय तथ्यांक विभागको वेबसाइटमा नेपालको आजको जनसंख्या ३ करोड ६ सय ३४ देखाइएको छ ।
विभागको स्वचालित सिस्टमअनुसार गएराति १२ बजेबाट जनसंख्या ३ करोड नाघेको तथ्यांक विभागका सूचना अधिकारी तीर्थराज चौलागाईंले जानकारी दिए ।
जनसंख्या वृद्धिदर, मृत्युदर, नेट माइग्रेसन (समग्र बसाइसराइ) आदि तथ्यहरूका आधारमा स्वचालित सिस्टमबाट दैनिक जनसंख्या क्याल्कुलेसन हुने गरेको सूचना अधिकारी चौलागाईंले बताए ।
विश्वभर नै यही पद्धतिका आधारमा दैनिक जनसंख्या क्याल्कुलेसन हुने गरेको छ ।
वास्तविक गणना भने १०/१० वर्षमा हुने गर्छ । नेपालको आगामी जनगणना २०७८ सालमा हुनेछ ।
हालसम्मको ट्रेन्ड हेर्दा स्वचालित सिस्टमबाट गरिएको हिसाब वास्तविक जनगणनासँग लगभग मिल्ने गरेको उनले बताए ।
मापदण्ड विपरित चल्ने २ सिमेन्ट उद्योगको इजाजत रद्द,अन्यलाई पनि विभागको कारबाही
सरकारले गुणस्तर मापदण्डविपरित चलाएका २ सिमेन्ट कम्पनीको इजाजत रद्द गरेको छ । नेपाल गुणस्तर तथा नापतौल विभागले बारा र पर्सामा रहेका २ उद्योगको इजाजत रद्द गरेको हो ।
इजाजत रद्द गरिने कम्पनीहरूमा पीएससी सिमेन्ट उत्पादन गर्ने रिलायन्स सुपरटेक सिमेन्ट प्रालि, बारा, र ओपीसी सिमेन्ट उत्पादन गर्ने इन्टरनेशनल सिमेन्ट प्रालि पर्सा रहेका छन् ।
इजाजत पत्र स्थगन गरिएको अवस्थामा बिक्री वितरण गरेको पाइएकाले उनीहरूको इजाजत रद्द गरिएको विभागले जनाएको छ ।
यस्तै एलपीजी सिलिन्डर सम्बन्धि नेपाल गुणस्तर चिन्ह ५ सय ३३ अनुरुप नभएको भन्दै काठमाडौंको एभरेष्ट ग्यास उद्योग प्रालिको प्रमाणपत्र स्थगन गरिएको छ ।
विभागका अनुसार, मापदण्डअनुसारको गुणस्तर नपाइएको भन्दै अग्नी सिमेन्ट प्रालिलाई स्पस्टिकरण सोधिएको छ ।
विभागले सवोत्तम सिमेन्ट प्रालि नवलपरासी र कमल रोलिंग मिल्स प्रालि मोरङलाई पनि मापदण्डअनुसारको गुणस्तर कायम नगरेको भन्दै स्पस्टिकरण सोधेको छ ।
ओलीलाई बैठकमा बोलेको सुन्ने व्यवस्था,आवश्यक परे बैठकमा आउन सक्ने!
अध्यक्ष एवं प्रधानमन्त्री केपी शर्मा ओलीको अनुपस्थितिका बाबजुद नेकपा स्थायी कमिटी बैठक प्रधानमन्त्री निवास बालुवाटारमा बसिरहेको छ ।
बालुवाटारमा बिहान साढे ११ बजे शुरू भएको बैठकमा दिउँसो साढे २ बजेसम्म ११ जना नेताले आफ्नो धारणा राखिसकेका छन् ।
बैठकको शुरूमा कार्यकारी अध्यक्ष पुष्पकमल दाहाल प्रचण्डले ओली अर्को मिटिङमा व्यस्त भएकाले आउन नसकेको जानकारी गराउँदै बैठकमा भएको छलफल सुन्ने व्यवस्था भएको बताएका थिए ।
बैठकबाट केहीबेरका लागि बाहिर निस्किएका संस्कृति पर्यटन तथा नागरिक उड्डयनमन्त्री योगेश भट्टराईले प्रधानमन्त्री अर्को बैठकमा व्यस्त भएकाले आवश्यकता पर्दा बैठकमा उपस्थित हुने बताए ।
‘उहाँ बालुवाटारमै हुनुहुन्छ, आवश्यक पर्दा उपस्थित हुनुहुन्छ,’ भट्टराईले भने ।
शुक्रवारको बैठकमा लीलामणि पोखरेल, पम्फा भुसाल, मातृका यादव लगायत ११ जनाले बोलिसकेका छन् ।
बैठकमा परराष्ट्रमन्त्री प्रदीप ज्ञवालीले नेपाल–भारत सीमा विवाद समाधानका लागि भइरहेका प्रयासबारे जानकारी गराएका छन् ।
नेताहरूले भारतसँग छिटोभन्दा छिटो वार्ता गरेर अतिक्रमित नेपाली भूमिमा नेपालको उपस्थिति कायम गराउन माग गरेका थिए ।
