कश्मीरमा बुधवार बिहान सुरक्षाकर्मी र आतंकवादीहरूका बीच भएको भिडन्तमा तीन वर्षीय एक बालक आफ्ना मृत हजुरबुवाको शवमाथि बसेको कारुणिक तस्वीर सार्वजनिक भएको छ । 

भिडन्त भइरहँदा बीचमा फसेर ती ६० वर्षीय हजुरबुवाको मृत्यु भएको हो । 
 

सोपोरमा आतंकवादीहरूले गोली चलाएपछि सुरक्षाकर्मीहरूले जवाफी फायरिङ गरे । त्यतिखेरै हजुरबुवा र नाति त्यही बाटो भएर गइरहेका थिए । हजुरबुवालाई दुई गोली लाग्यो र उनी घटनास्थलमै मारिए । रनभुल्ल परेका नाति रक्तरञ्जित हजुरबुवाको शरीरमाथि बसेर रोइरहेका देखिन्थे । 

घटनास्थलमा प्रहरी पुग्यो अनि बालकलाई सुरक्षित स्थानमा लग्यो । बालक आफ्ना हजुरबुवाको शरीरमाथि बसेर ग्वाँग्वाँ रोए । एक प्रहरी अधिकृतले उनलाई बोके अनि भिडन्त भएको स्थानबाट अन्तै लगे । 

तस्वीरमा बालकले सडकमा लडेका हजुरबुवालाई उठाउन खोजेको कारुणिक दृश्य देखिन्छ । अर्को तस्वीरमा एकजना सैनिकले एउटा संरचनापछाडि लुकेर बालकलाई सुरक्षित स्थानतिर आउन भनेको र बालक हजुरबुवाको शव छोडेर हिँडेको देखिन्छ । 

उक्त भिडन्तमा ती सर्वसाधारण सहित सीआरपीएफका एक अधिकृतको मृत्यु भएको छ भने एक जवान घाइते भएका छन् । घटना बारामुल्ला जिल्लाको सोपोर शहरमा भएको हो ।

#WATCH सोपोर में आतंकवादी हमले के दौरान बचाए गए 3 साल के बच्चे को जम्मू-कश्मीर पुलिस बच्चे की मां के पास लेकर जाते हुए, इस दौरान वो रोते हुए बच्चे को चुप कराने की कोशिश कर रहे हैं। बच्चा हमले के दौरान अपने मृत रिश्तेदार के पास बैठा हुआ था। pic.twitter.com/MI1xTZGuMs

— ANI_HindiNews (@AHindinews) July 1, 2020