बिहान ११ बजेका लागि बोलाइएको नेकपा स्थायी कमिटीको बैठक रोकेर अध्यक्षद्वय केपी शर्मा ओली र अर्का अध्यक्ष पुष्पकमल दाहाल प्रचण्डबीच छलफल शुरू भएको छ ।

अध्यक्षद्वय ओली र प्रचण्डबीच छलफल चलिरहेको स्थायी कमिटी सदस्य हरिबोल गजुरेलले जानकारी दिए ।

बैठकका लागि बालुवाटार पुगेका नेताहरू स्थायी कमिटी बैठक शुरू हुने/नहुने अन्योलमा छन् ।

मंगलवारको बैठकमा प्रचण्ड लगायतका नेताले ओलीको राजीनामा माग गरेपछि नेकपाभित्रको विवाद उत्कर्षमा पुगेको छ । 

यसबीचमा संसद् अधिवेशन अन्त्य गराएर प्रधानमन्त्री ओलीले केही समयअघि फिर्ता लिएको पार्टी विभाजनसम्बन्धी अध्यादेश पुनः ल्याउनका लागि बाटो खुला गरेका छन् ।