चीनको परराष्ट्र मन्त्रालयले अमेरिकाको एयरोस्पेस तथा रक्षा ठेक्का कम्पनी लकहीड मार्टिनमाथि प्रतिबन्ध लगाउने घोषणा मंगलवार गरेको छ । उक्त कम्पनीले ताइवानलाई अत्याधुनिक हतियार बेचेकाले चीनले प्रतिबन्ध लगाउने भएको हो । 

‘ताइवान क्षेत्रलाई अमेरिकी हतियार बेच्ने कामलाई चीनले कडा विरोध गर्छ र अमेरिकालाई एक चीन नीति पालन गर्न तथा दुई देशबीचका तीनवटा संयुक्त वक्तव्यमा अडिग रहन आह्वान गर्छ,’ चीनको परराष्ट्र मन्त्रालयका प्रवक्त झाओ लिजियानले नियमित पत्रकार सम्मेलनका क्रममा बताए । 

‘अमेरिकाले ताइवान क्षेत्रमा हतियार कारोबार सहित सैन्य सम्पर्क राख्न बन्द गर्नुपर्छ ताकि चीन र अमेरिकाबीचको सम्बन्धमा थप क्षति नपुगोस् अनि ताइवान जलप्रपातमा शान्ति र स्थिरता कायम रहन सकोस्,’ उनले भने । 

राष्ट्रिय सुरक्षा कायम गर्नका लागि चीनले लकहीड मार्टिनमाथि प्रतिबन्ध लगाउने निर्णय गरेको झाओले बताए ।