प्रतिनिधिसभामा रिक्त सदस्यमा नेपाली कांग्रेसका तर्फबाट सिफरिश सुवर्ण ज्वारचनले आइतवार पद तथा गोपनीयताको शपथ लिने भएकी छन् ।

ज्वारचनलाई संघीय संसद् सचिवालय सिंहदरबारमा दिउँसो २ बजे सभामुख अग्निप्रसाद सापकोटाले शपथ गराउने कार्यक्रम रहेको सभामुख सापकोटाका प्रेस सल्लाहकार श्रीधर न्यौपानेले जानकारी दिए । 

नेपाली कांग्रेसका तर्फबाट बाग्लुङबाट प्रतिनिधित्व गरेकी सांसद ज्ञानकुमारी छन्त्यालको २०७७ असार १७ गते निधन भएपछि प्रतिनिधि सभा सदस्यको सो स्थान रिक्त थियो । 

समानुपातिक सूचीमा छन्त्यालपछि रहेकी ज्वारचनलाई कांग्रेसले सांसद बनाउने निर्णय गरेको थियो । ज्वारचन २०७० सालको संविधान सभामा समेत सांसद थिइन् ।