०९ साउन २०८३, शनिबार
पृथ्वी राजमार्गअन्तर्गत मौवा खोला पुलनजिक सडक आंशिक मर्मतपछि सडक एकतर्फी खुलेको छ ।
५ दिनअगाडि आएको अविरल वर्षाका कारण धादिङ र चितवनको सीमामा रहेको मौवाखोलामा पुल बगाएपछि राजमार्ग अवरुद्ध भएको थियो ।
५ दिनपछि बालुवा कंक्रिट हालेर डाइभर्सन बनाएपछि सडक एकतर्फी सञ्चालनमा आएको छ ।
अहिलेलाई अस्थायीरूपमा साना गाडी, एम्बुलेन्स र मोटरसाइकल चल्न थालेको जिल्ला प्रहरी कार्यलय धादिङका प्रमुख प्रहरी उपरीक्षक (एसपी) रवीन्द्र रेग्मीले बताए ।
शुक्रवार रातिसम्म ठूला गाडीहरू पनि सञ्चालन हुने गरी सडक निर्माण भइरहेको एसपी रेग्मीले लोकान्तरलाई बताए ।
