१० साउन २०८३, आइतबार
चीनको छङ्दुमा रहेको अमेरिकी वाणिज्य कार्यालयका कर्मचारीहरू सोमवार निस्केपछि अमेरिकाको राष्ट्रिय झण्डा निकालिएको छ ।
अमेरिकाले चीनलाई ह्युस्टनमा रहेको वाणिज्यदूत कार्यालय बन्द गर्न आदेश दिएको प्रतिशोधमा चीनले पनि छङ्दुमा रहेको अमेरिकी वाणिज्यदूत कार्यालय बन्द गर्न आदेश दिएको हो ।
‘जुलाई २७ मा बिहान १० बजे चिनियाँ पक्षको अनुरोधमा छङ्दुस्थित अमेरिकी वाणिज्यदूत कार्यालय बन्द गरिएको छ,’ चीनको परराष्ट्र मन्त्रालयले सोमवार घोषणा गर्यो ।
अमेरिकी कर्मचारीहरू कार्यालय प्रांगण छोडेर गएपछि चिनियाँ अधिकारीहरू अगाडिको ढोकाबाट प्रवेश गरेर कार्यालय नियन्त्रणमा लिएको मन्त्रालयले जानकारी दियो ।
वाशिङटनले असंगत ढंगले ह्युस्टनस्थित चिनियाँ वाणिज्यदूत कार्यालय बन्द गरेकाले बेइजिङले वैध तथा आवश्यक कारवाही गर्नुपरेको बताएको छ ।
#US national flag lowered in #Chengdu consulate pic.twitter.com/nBuJIWGkXP
— CGTN (@CGTNOfficial) July 27, 2020
