०३ साउन २०८३, आइतबार
कोरोनाभाइरस (कोभिड- १९)का कारण नेपालमा मृत्यु हुनेको संख्या ४८ पुगेको छ ।
पछिल्लोपटक थप ३ जनाको मृत्यु भएको पुष्टि स्वास्थ्य तथा जनसंख्या मन्त्रालयले सोमवार पत्रकार सम्मेलन गरी गरेको छ ।
पर्साको वीरगञ्जका एक भारतीय नागरिक, धनुषाको शहीद नगरका ३६ वर्षीय पुरुष र बाराको फेटाका ६० वर्षीय पुरुष गरी ३ जनाको मृत्यु भएको स्वास्थ्य मन्त्रालयले जनाएको छ ।
कोभिड- १९ संक्रमितको कुल संख्या भने १८ हजार ७५२ पुगेको छ ।
पछिल्लो २४ घण्टामा थप १३९ जनामा संक्रमण पुष्टि भएको जानकारी पत्रकार सम्मेलनमा दिइएको छ ।
संक्रमितमध्ये १३ हजार ७ सय ५४ जना निको भएर घर फर्किएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।
पछिल्लो २४ घण्टामा ६ सय २६ जना डिस्चार्ज भएको प्रवक्ता गौतमले बताए ।
