०८ साउन २०८३, शुक्रबार
नेकपा स्थायी कमिटी सदस्य एवं संस्कृति पर्यटन तथा नागरिक उड्डयन मन्त्री योगेश भट्टराईले पार्टी दुर्घटनानजिक पुगेको भन्दै चिन्ता व्यक्त गरेका छन् ।
मंगलवार दिउँसो ट्वीट गर्दै भट्टराईले रोकिएर सल्लाह गर्न पार्टी नेताहरूलाई अपिल गरेका छन् ।
'दुर्घटनानजिक देखिन्छ । सबै रोकिऔं । सल्लाह गरौं,' मन्त्री भट्टराईको ट्वीटमा उल्लेख छ ।
आजका लागि बोलाइएको नेकपा स्थायी कमिटी बैठक अध्यक्ष एवं प्रधानमन्त्री केपी शर्मा ओलीले एकलौटी रूपमा स्थगित गरेपछि तनावको स्थिति उत्पन्न भएको थियो ।
प्रधानमन्त्री ओलीका सल्लाहकार सूर्य थापाले बैठक स्थगित भएको सूचना फेसबूकमार्फत दिएपनि अहिले स्थायी कमिटी बैठक शुरू भइसकेको छ ।
बैठकमा प्रधानमन्त्री ओली बाहेकका नेताहरू सहभागी छन् ।
हेर्नुहोस्, ट्वीट :
दुर्घटना नजिक देखिन्छ । सबै रोकिऔ । सल्लाहा गरौ ।
— Yogesh Bhattarai (@yogesbhattarai) July 28, 2020
