१९ असार २०८३, शुक्रबार
धनुषाको जनकपुरधाम उपमहानगरपालिकामा एक सातासम्मका लागि निषेधाज्ञा जारी गरिने भएको छ ।
आइतवार राति १२ बजेदेखि एक सातासम्मका लागि निषेधाज्ञा जारी गरिन लागिएको धनुषाका प्रमुख जिल्ला अधिकारी प्रेम प्रसाद भट्टराईले लोकान्तरलाई जानकारी दिए ।
यस्तै जिल्लाकै सिरेश्वरनाथ नगरपालिकाको महेन्द्रनगर बजारमा पनि निषेधाज्ञा जारी गरिने भएको छ ।
प्रदेश अस्पतालका नर्स, केही बैंकका कर्मचारी लगायतलाई कोरोना भाइरस (कोभिड १९)को संक्रमण देखिएसँगै निषेधाज्ञा जारी गरिएको उनले लोकान्तरलाई बताए ।
उनले भने, अस्पतालका केही स्वास्थ्यकर्मी, केही बैंकका कर्मचारी लगायतलाई कोरोना संक्रमण देखिएसँगै एक साताका लागि निषेधाज्ञा जारी गर्ने निर्णय गरिएको हो ।
