कोरोनाको संक्रमण फैलिने भन्दै सरकारले निषेधाज्ञा जारी गरेको भएपनि शेयर बजारलाई भने त्यसले कुनै प्रभाव पारेको छैन ।

आइतवार दोहोरो अंकले बढेको शेयर कारोबार मापक नेप्से परिसूचकले सोमवार पनि सोही लय पछ्याएको छ । कारोवार रकममा समेत बढोत्तरी भएको छ । 

नेपाल स्टक एक्सचेञ्जका अनुसार सोमवार नेप्से परिसूचक २१.२६ बिन्दुले बढेर १ हजार ४३१.६० मा पुगेको छ । सेन्सेटिभ परिसूचक ३.५९ ले बढेर २९३.१४ मा पुगेको छ । कूल १८२ कम्पनीको ४९ लाख २४ हजार २८९ कित्ता शेयर २ अर्ब १३ करोड ९२ लाख २ हजार ७५ बराबरको कारोबार भयो । 

कारोबार भएका कूल १२ उपसमूहमध्ये सोमवार होटल उपसमूहको मात्रै शेयर ओरालो लागेको छ । सो उपसमूह १.४३ ले घटदा बैंकिङ १६.०८, व्यापार १३.७३, विकास बैंक १७.१६, जलविद्युत् ७.२२, वित्त ३.७, निर्जीवन बीमा १२८.६९, उत्पादन ६४.९१, अन्य १२.३६, लघुवित्त ५५.७३, जीवन बीमा १६२.८७ र सामूहिक लगानी कोष ०.०३ विन्दुले बढेको छ ।

कारोबारका आधारमा सोमवार पुनर्बीमा कम्पनीको शीर्ष स्थानमा रहेको छ । सो कम्पनीको २१ करोड ६० लाख ४० हजार ९७५ रुपैयाँ बराबरको कारोबार भई शीर्ष स्थानमा रहे । 

नेको इन्स्योरेन्स कम्पनी १२ करोड ९९ लाख २१ हजार ५१६, नेपाल लाइफ इन्स्योरेन्स कम्पनी १२ करोड १८ लाख ४ हजार ३६९, ग्लोबल आईएमई बैंक ११ करोड ८० लाख २६ हजार ९६६, नेपाल बैंक लिमिटेड ८ करोड २७ लाख ८८ हजार ५२६, शिवम् सिमेन्ट ७ करोड ३८ लाख २२ हजार १३७ र प्रभु इन्स्योरेन्स कम्पनीको ५ करोड ९५ लाख ४८ हजार १३६ बराबरको कारोबार भई शीर्ष स्थानमा रहे । कर्पोरेट डेभलपमेन्ट बैंक ६.९०, खानीखोला हाइड्रोपावर ६.२५, आरएमडिसी लघुवित्त ५.५०, घलेम्दी हाइड्रोपावरका लगानीकर्ताले ५.०८  प्रतिशतले कमाए । 

छ्याङदी हाइड्रोपावर २.२५, श्री इन्भेस्टमेन्ट फाइनान्स १.९७, मल्टीपर्पस फिनान्स कम्पनी १.८५, प्रोगेसिभ फाइनान्स कम्पनी १.८५ र राधी विद्युत् कम्पनीका शेयरधनीले १.८५ प्रतिशतले गुमाए ।