२६ जेठ २०८३, मंगलबार
बीमा क्षेत्रको नियामक निकाय बीमा समितिले लकडाउनको अवधिमा बन्द भएका उद्योगको बीमा शुल्कमा छुट दिन निर्देशन दिएको छ ।
समितिले सोमवार निर्जीबन बीमा कम्पनीलाई एक सर्कूलरमार्फत छुट दिन निर्देशन दिएको हो ।
समितिले ‘सम्पत्ति बीमा निर्देशिका २०७५’ अनुसार बन्द अवस्थाका कलकारखानाको बीमा दरलाई छुट दिन निर्देशन दिएको हो । समितिका कार्यकारी निर्देशक राजुरमण पौडेलका अनुसार छुट दिन निर्देशन दिइएको छ ।
समितिले लकडाउनका कारण बन्द अवस्थाको जोखिमको लागि एक तिहाइ तथा जोमिख समूहको बीमा दर ५० प्रतिशत समानुपातिक रुपले छुट गर्ने व्यवस्था चालु आवको बजेटमा नै रहेको स्मरण गराएको छ ।
समितिले चालु आवको बजेटमा भएको व्यवस्था पनि कार्यान्वयन गर्न आग्रह गरेको छ । समितिले त्यस्तो छुट ८३ दिनको लागि कायम हुने स्पष्ट पारेको छ ।
