दक्षिण चीन सागरमा तनाव बढिरहँदा चिनियाँ सेनाले देशको पूर्वी भागको जलक्षेत्रमा दुईथरी सैन्य अभ्यास शुरू गरेको छ । उक्त क्षेत्रमा अमेरिकाले पनि उपस्थिति बढाउँदै लगेको छ । 
 

शांघाईमा रहेका सैन्यविद् नी लेक्सिओङले साउथ चाइना मर्निङ पोस्टसँग कुरा गर्दै बोहाइ र पीत सागरमा गरिएका अभ्यासले युद्धकालीन आक्रमण र प्रतिरक्षा दुवैको अनुकरण गर्ने व्यावहारिक उद्देश्य लिएको बताए ।

ताइवानलाई बलपूर्वक एकीकरण गर्ने स्थितिको सम्भाव्यतालाई हेर्दै चीनले सैन्य अभ्यास गरेको हो । 

‘बलियो वा कमजोर शत्रु जो भए पनि विभिन्न परिस्थितिका लागि अभ्यास गर्नुपर्ने हुन्छ,’ नीले बताए ।
 

रेनमिन विश्वविद्यालयको नेसनल एकेडमी अफ डेभलपमेन्ट यान्ड स्ट्राटेजीका प्राध्यापक दियाओ दामिङले हालैका अभ्यासलाई नियमित तालिमको संज्ञा दिँदै चिनियाँहरूको हौसला बढाउन र अमेरिका तथा ताइवानलाई तर्साउन यी अभ्यासहरू गरिएको बताए । 
‘

यी अभ्यासहरूले कुनै विशेष देशलाई लक्षित गरेको त हैन तर हाम्रो सार्वभौमसत्ता र सुरक्षामा चुनौती आइरहेको अवस्थामा यस्ता अभ्यासले शत्रुलाई हतियार प्रयोग नगरिकनै आत्मसमर्पण गर्न बाध्य तुल्याउँछन्,’ दियाओले भने ।