२९ असार २०८३, सोमबार
यूएईको राजधानी अबु धाबीको एक फास्टफूड रेस्टुराँमा सोमवार बिहान विस्फोट हुँदा कैयौं मानिस घाइते भएका छन् । घाइतेहरूलाई अस्पताल लगिएको छ ।
ग्यास चुहिएका कारण विस्फोट भएको बताइएको छ ।
रेस्टुराँ राशिद बिन सईद स्ट्रीटमा छ ।
आकस्मिक टोलीहरूले रेस्टुराँ भएको भवनकलाई खाली गरेर उक्त क्षेत्रलाई घेराबन्दी गरेको अबु धाबी प्रहरीको भनाइ छ ।
नजिकैको हाज्जा बिन जायेद रोडमा पनि सवारी आवागमन बन्द गरिएको प्रहरीले ट्वीटमार्फत जानकारी दियो ।
एक प्रत्यक्षदर्शीले खलीज टाइम्ससँग कुरा गर्दै विस्फोटको चर्को आवाजले उक्त क्षेत्र नै थर्किएको बताए ।
रेस्टुराँ र भवनको भुइँतल्ला विस्फोटमा पूर्ण क्षतिग्रस्त भएका छन् । बाहिर पार्क गरेर राखिएका कैयौं गाडीमा पनि क्षति पुगेको छ ।
