०१ असार २०८३, सोमबार
कुजु नेपालले इन्डोनेसियामा उत्पादन हुँदै आएका डिएसएफके ब्राण्डको ग्लोरी ५६० को बिक्री शुरू गर्ने भएको छ ।
यसअघि डिएफएसके ग्लोरी ५८० बिक्री गर्दै आएको थिए ।
कम्पनीले नेपालमा बिक्री शुरू गर्न थालेको १ वर्ष पूरा भएको छ । सोही अवसरमा उसले यस्तो जानकारी दिएको हो ।
कोभिड १९ को कारण केही ढिला बिक्री शुरू हुन लागेको ग्लोरी ५६० नयाँ वर्षको अवसरमा बिक्री शुरू गर्ने लक्ष्य रहेको समेत कम्पनीले जनाएको छ ।
ग्लोरी ५६० को लम्बाई ४५१५ एमएम, चौडाई १८१५ एमएम र उचाई १७३५ एमएम रहेको छ । यसमा २६९० एमएमको ह्वीलबेस दिइएको छ ।
गाडीको कुल तौल भने २००५ केजी रहेको छ ।
ग्लोरी ५६० मा यूरो ५ मापदण्डको इन्जिन दिइएको छ । यसमा रहेको १.५ लिटर टर्बो पेट्रोल इन्जिनले अधिकतम ५७०० आरपीएममा १४८ बीएच पावर र १८०० देखि ४००० आरपीएममा २३० एनएम टर्क प्रदान गर्छ । यसमा ६ स्पीड म्यानुयल गियरबक्स दिइएको छ । साथै, ५० लिटरको इन्धन ट्याङ्क उपलब्ध रहेको छ ।
ग्लोरी ५६०, ग्लोबल एनक्यापबाट क्र्यास टेष्टमा ५ स्टार रेटिब प्राप्त गरेको एसयूभी हो । यसको चारै चक्कामा डिस्क ब्रेक दिइएको छ । १७ इन्चको अलोय ह्वील, एयरव्याग, सिट बेल्ट रिमाइन्डर, एबीएस, इबीडी, इन्जिन इमोविलाइजर, आलर्म सिस्टम, स्पीड सेन्सिब अटो लक, क्र्यास अटो अनलक जस्ता फिचर यसमा पाउन सकिन्छ ।
ग्लोरी ५६० मा सफ्ट टच ड्यास बोर्ड दिइएको छ भने, ड्यासबोर्डमा ८ इन्चको फ्लोटिब इन्फोटेन्टमेन्ट डिस्प्ले दिइएको छ । रिभाइज क्यामेरा, पुस स्टार्ट/स्टप बटम, किलेस इन्ट्रि जस्ता विशेषता यसमा पाउन सकिने छ ।
कम्पनीले यसमा ३ वर्ष वा ४० हजार किलोमिटर जुन पहिला आउँछ त्यही बराबरको वारेन्टी प्रदान गर्ने छ ।
कम्पनीले यसको शुरूवाती बिक्री मूल्य ५७ लाख ५० हजार रुपैयाँ रहेको जनाएको छ ।
