०६ साउन २०८३, बुधबार
नेपालमा कोरोनाभाइरस (कोभिड- १९) संक्रमितको संख्या ५९ हजार ५ सय ७३ पुगेको छ ।
स्वास्थ्य तथा जनसंख्या मन्त्रालयद्वारा बिहीवार आयोजित नियमित पत्रकार सम्मेलनमा पछिल्लो २४ घण्टामा थप १ हजार २ सय ४६ जनामा संक्रमण पुष्टि भएको जानकारी दिइएको हो ।
सबैभन्दा बढी काठमाडौंमा ५ सय ७ जना संक्रमित थपिएका छन् । उपत्यकाका अन्य दुई जिल्ला ललितपुरमा ६१ र भक्तपुरमा ५० जनामा संक्रमण पुष्टि भएको छ ।
उपत्यकामा थपिने संक्रमितको कुल योगफल ६ सय १८ रहेको छ ।
काठमाडौंपछि सबैभन्दा बढी चितवनमा १ सय १ जना संक्रमित थपिएका छन् ।
आजको मितिमा पहिचान भएका सक्रिय संक्रमितको संख्या १६ हजार २ सय ४१ छ, जुन हिजोको भन्दा १ कम हो ।
संक्रमितमध्ये ४२ हजार ९ सय ४९ जना निको भएर घर फर्किएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए ।
पछिल्लो २४ घण्टामा १ हजार २ सय ४३ जना डिस्चार्ज भएको प्रवक्ता गौतमले बताए ।
मृतकको संख्या भने ३ सय ८३ पुगेको छ । पछिल्लो २४ घण्टामा ४ जनाको मृत्यु भएको हो ।
