१३ असार २०८३, शनिबार
कोरोना भाइरस संक्रमण महामारीपछि पहिलो पटक इलाम कोरोना सक्रिय संक्रमित शून्य जिल्ला भएको छ ।
कोरोनाका सक्रिय संक्रमितहरू घर फर्किएपछि इलाम कोरोना संक्रमण शून्य भएको हो ।
गत जेठ २७ गते जिल्लामा पहिलो संक्रमित फेला परेकामा ३ महिनापछि कोरोना पोजेटिभको संख्या शून्य भएको हो ।
जिल्लामा हालसम्म ९३ व्यक्ति संक्रमित भएकामा सबैजना उपचारपछि घर फर्किसकेको स्वास्थ्य कार्यालयले जनाएको छ । कार्यालयका अनुसार पछिल्लोपटक चुलाचुली गाउँपालिकाका १ युवामा कोरोना पोजिटिभ देखिएकामा उनको रिपोर्ट नेगेटिभ आएको छ । हालसम्म जिल्लामा ४ हजार ९७७ जनाको पीसीआर परीक्षण गरिएकोमा ४ हजार ८६१ जनाको रिपोर्ट नेगेटिभ आएको थियो ।
जिल्लामा गत जेठमा २, असारमा १४, साउनमा ६६ र भदौमा ११ जनामा कोरोना पोजेटिभ देखिएको थियो । जिल्लामा सबैभन्दा बढी इलाम नगरपालिका ५७, सूर्याेदय नगर १५, सन्दकपुर गाउँपालिका ८, माई नगर ५, देउमाई नगर ४, चुलाचुली ३ र रोङ गाउँपालिकाका १ जनामा संक्रमण पुष्टि भएको थियो ।
