१९ असार २०८३, शुक्रबार
कोरोनाका कारण पछिल्लो २४ घण्टामा १९ जनाको मृत्यु भएको छ । स्वास्थ्य तथा जनसंख्या मन्त्रालयले सोमवार एक सूचना जारी गर्दै पछिल्लो २४ घण्टामा ५ महिला र १४ पुरुषको मृत्यु भएको जनाएको हो ।
मृत्यु हुनेमा सुनसरीका ५५ वर्षीय पुरुष, पर्साकी ६५ वर्षीया महिला, सर्लाहीका ४२ र ६९ वर्षीय पुरुष रहेका छन् ।
काठमाडौँमा ७६, ८१ र ८३ वर्षीया ३ जना महिला र २६, ६५, ६७, ७८, ८१ र ९१ वर्षीय ६ जना पुरुष रहेका छन् ।
ललितपुरमामा ३ वर्षीय बालक, ५५ र ७१ वर्षीय पुरुष रहेका छन् भने चितवनमा ६२ वर्षीय पुरुष रहेका छन् ।
त्यस्तै कोरोनाका कारण गोरखाका ४५ वर्षीया महिला र नवलपरासीपूर्वका ३६ वर्षीय पुरुष रहेका छन् ।
यससँगै हालसम्म नेपालमा कोरोनाका कारण ५ सय ५४ जनाको मृत्यु भएको छ ।
नेपालमा अहिले सक्रिय संक्रमितको संख्या २३ हजार नाघेको छ भने साढे १३ हजार परीक्षणमा २४ सय ४० संक्रमित भेटिएका छन् ।
सक्रिय संक्रमितमध्ये ११ हजार १९१ संस्थागत आइसोलेसनमा रहेका छन् भने १२ हजार ३१६ होम आइसोलेसनमा रहेका छन् ।
संक्रमितमध्ये काठमाडौँ उपत्यकामा मात्र १५ सय ३१ रहेका छन् । काठमाडौँ जिल्लामा ११ सय ७८, भक्तपुरमा १ सय ३ र ललितपुरमा २ सय ५० जना नयाँ संक्रमित फेला परेका हुन् ।
पछिल्लो २४ घण्टामा संक्रमणमुक्त भएर डिस्चार्ज हुनेको संख्या ११ सय ३३ रहेको छ ।
हालसम्म संक्रमणमुक्त भएर डिस्चार्ज हुनेको संख्या नेपालमा ६५ हजार २०२ रहेको छ ।
