२३ जेठ २०८३, शनिबार
गर्भावस्थामा रहँदा महिलाले आफ्नो तथा शिशुको स्वास्थ्यमा निकै ध्यान दिनुपर्ने हुन्छ ।
गर्भमा रहेको बच्चाको सहि विकासका लागि महिलाले खानपानमा विशेष ध्यान पुर्याउनुपर्ने हुन्छ । गर्भावस्थामा जंक फुड्स, स्पाइसी आइटम्स आफ्नो तथा गर्भमा रहेको शिशु दुवैको स्वास्थ्यमा हानीकारक हुन्छ ।
यहाँ गर्भावस्थामा रहँदा महिलाले खानुपर्ने विशेष खानेकुराहरुबारे जानकारी दिइएको छ ।
गर्भमा रहेको शिशुका लागि अत्यन्तै आवश्यक हुन्छ यी खानेकुरा
पालक–हरिया सागपात सबैका लागि लाभदायक हुन्छ, अझै बढी गर्भावस्थामा रहेका महिलाको लागि । पालकमा फोलीक एसिड र फोलेट अधिक मात्रामा हुन्छ । साथै यसमा भिटामिन, मिनरल तथा क्याल्शियम समेत हुन्छ । जसले प्री–टर्म लेवरबाट बचाउँछ ।
दुधजन्य उत्पादन–गर्भावस्थाको समयमा बच्चाको विकासका लागि क्याल्सियमको अधिक आवश्यकता पर्दछ । यसका लागि दुधसँगै पनीर, दही, चीज लगायतको सेवन गर्नु लाभदायक हुन्छ ।
फाइबरयुक्त खाना–मल्टीग्रेन आटा, ओटमील, ब्राउन राइसमा फाइबर तथा अन्य पोषक तत्व अत्याधिक हुन्छ । यसकारण गर्भावस्थामा महिलाले भोजनमा यसको सेवन गर्नु निकै लाभदायक हुन्छ । यस्ता खानेकुराहरुमा फोलिक एसिड तथा भिटामिन बी, ज्रिक तथा आयन पनि प्रशस्त मात्रामा हुन्छ ।
दाल–राजमा, केराउ, चना, मसुरोको दालको सेवनले गर्भमा रहेको बच्चा स्वस्थ हुन्छ । यस्ता दालमा प्रोटिन, फाइबर, आयन, फोलेट, क्याल्सियम, जिंक लगायतका तत्वहरु हुन्छन् । जुन गर्भावस्थामा निकै नै आवश्यक हुन्छ ।
मेवा–स्वस्थ फ्याटका लाथि गर्भावस्थामा मेवा सेवन गर्नु लाभदायक मानिन्छ । यसमा हुने फ्याटले गर्भमा रहेको बच्चाको मस्तिस्कको विकासमा सहयोग गर्दछ ।
पानी–पानीको सेवनले शरिरभित्रको विकार पदार्थलाई बाहिर ल्याउन द्दत गर्छ । साथै गर्भाअवस्थामा हुने विभिन्न इन्फेक्सनबाट समेत बचाउँछ । यस बाहेक नरिवल पानी वा सुन्तलाको जुसको सेवनले शरिरमा पानीको अभाव हुन दिँदैन ।
रंगी–चङ्गी फलफूल–खाना बाहेक स्वस्थ स्वास्थ्यका लागि मौसमी फलको पनि आवश्यक पर्छ । यस्ता फलफूलहरुमा भिटामिन, एन्टी–अक्सीडेन्ट्स अत्याधिक हुन्छ । हरियो, पहेंलो, रातो लगायतका विभिन्न रंगहरुको फलफूलको नियमित सेवनले गर्भावस्थामा छालालाई सुन्दर बनाइराख्छ । भिटामिन सी युक्त अमिलो, आँप लगायतका फलहरु पनि सेवन गर्नु लाभदायक हुन्छ ।
