३० असार २०८३, मंगलबार
नवलपरासीबाट प्रहरीले ठूलो परिमाणमा लागुऔषधसहित दुई जनालाई पक्राउ गरेको छ ।
पाल्हिनन्द वडा नम्बर–२ र सरावल गाउँपालिका–७ मा ठूलो मात्रामा लागुऔषध बिक्री वितरण भएको गोप्य सूचनाका आधारमा लागुऔषध नियन्त्रण ब्यूरो भैरहवा र जिल्ला प्रहरीको संयुक्त टोलीले उनीहरूलाई १ हजार ९३५ एम्पुल लागुऔषधसहित नियन्त्रणमा लिएको हो ।
पक्राउ पर्नेमा पाल्हिनन्दन वडा नम्बर २ का सोहित कम्कर र सरावल गाउँपालिका–७ का मोहम्मद अफजल अन्सारी छन् ।
भारतीय नम्बर प्लेटको यूपी ५६ एफ ९५२९ नम्बरको मोटरसाइकल जाँच गर्दा उक्त लागुऔषध फेला परेको जिल्ला प्रहरी कार्यालय पश्चिम नवलपरासीका प्रहरी नायब उपरीक्षक मदन थापाले जानकारी दिए ।
उनीहरूलाई अदालतबाट लागुऔषध कसुरमा म्याद थप गरी अनुसन्धान भइरहेको छ ।
