नेपाली कांग्रेसका प्रभावशाली नेता डा. शेखर कोइरालाले हुम्लास्थित नेपाल- चीन सीमामा विज्ञ टोली खटाउन माग गरेका छन् ।

हुम्लामा नेपाली भूमि मिचिएको जानकारी स्थलगत अनुगमनमा गएको टोलीबाट पाएको भन्दै कोइरालाले तुरुन्त विज्ञ टोली खटाई सत्यतथ्य सार्वजनिक गर्न माग गरेका हुन् ।

'हालै कर्णाली प्रदेशको हुम्ला जिल्लाको चीनसँगको सीमाको स्थलगत अध्ययन गरी फर्किएका पार्टीका साथीहरूबाट नेपालको सीमा अतिक्रमण गरेको जानकारी पाएँ । यो गम्भीर विषय हो । यस सम्बन्धमा तुरुन्त विज्ञहरूको टोली खटाई सत्यतथ्य सार्वजनिक गर्न सरकारसँग जोडदार माग गर्दछु,' कोइरालाले लेखेका छन् ।

हेर्नुहोस्, ट्वीट :