२४ जेठ २०८३, आइतबार
सासु ससुराको झगडामा बुहारी घुस्दा एक अनौठो घटना घटेको छ । सासु र ससुराबीचको झगडा साम्य पार्न गएकी बुहारीलाई ससुराले गलत नजरले हात समात्दा यस्तो घटना घटेको हो ।
यो घटना भारतको बिहारस्थित कटिहार जिल्लामा घटेको हो ।
सासु र ससुराबीच भइरहेको कुटपीटलाई नियन्त्रण गर्न बुहारी बीचमा परेकी थिइन् । त्यसै समय ससुराले बुहारीको हात समाते ।
गलत नियतले बुहारीको हात समातेको भन्दै उनकी पत्नीले हंगामा गरिन् ।
उनले गाउँले बोलाइन् र पतीलाई जुत्ताचप्पलको माला लगाइदिइन् । उनी यति मै रोकिइनन्, उनले कालो मोसो दलेर जुत्ताको मालासहित आरोपित पतिलाई गाउँमा घुमाइन् । उनको रिस अझ नमरेपछि उनले पतिलाई कुटपीट समेत गरेको भारतीय सञ्चारमाध्यमहरूले जनाएका छन् ।
अहिले त्यस इलाकाको प्रहरीले घटनाबारे अनुसन्धान गरिरहेको छ ।
