२८ जेठ २०८३, बिहीबार
कर्णाली प्रदेश सभाका उपसभामुख पुष्पा घर्ती मगरले प्रदेश सभा सचिवालयबाट प्राप्त भएको दशैं खर्च वापतको पचास हजार विभिन्न आश्रमलाई नगद वितरण गर्ने भएकी छिन् ।
लोकान्तरमा आइतबार 'कर्णालीकालाई पनि छोएन महामारीलेः प्रदेश सभा सांसददेखि वडा सदस्य सम्मले बुझे दशैं भत्ता' भन्ने शीर्षकमा समाचार प्रकाशित भएको थियो ।
सोही समाचारका आधारमा उनले सो भत्ता सचिवालयलाई फिर्ता गर्नुको साटो वीरेन्द्रनगरमा रहेको प्रशान्त वृद्धाश्रमलाई नगद दस हजार, मानव सेवा आश्रमलाई बीस हजार नगद हस्तान्तरण गर्ने लोकान्तरलाई बताइन् ।
काठमाडौंमा डायलाइसिसको उपचार गराइरहेका कालिकोटको रुप्साको अभियान नाम भएका युवालाई दश हजार र जाजरकोटका पूर्व माओवादी सम्वद्ध कार्यकर्ता प्रभात चलाउनेलाई दश हजार आजै वितरण गर्ने योजना रहेको उपसभामुख घर्तीले जानकारी दिइन् ।
उनका अनुसार प्रभातको आर्थिक अवस्था दयनीय भएको र उनी दुर्घटनामा परेर घाइतेसमेत भएकाले आर्थिक सहायता गर्न लागेको जानकारी दिइन् ।
