जनता समाजवादी पार्टीको कार्यकारिणी समितिको बैठकले संघीय परिषदको अध्यक्ष डा. बाबुराम भट्टराईलाई बनाउने लगायत थप २ निर्णयहरू गरेको छ ।

तुलसीलाल आमात्य प्रतिष्ठानको भवनमा सोमवार र मंगलवार कार्यकारिणी समितिको बैठक बसेको थियो ।

नेता विश्वदीप पाण्डेले निम्न तीन निर्णय भएको लोकान्तरलाई जानकारी दिए ।

• संघीय परिषद अध्यक्षको जिम्मेवारी डा. बाबुराम भट्टराईलाई दिने । समितिले पास गरेको विधानअनुसार केन्द्रीय समिति संघीय परिषदप्रति उत्तरदायी हुनेछ ।
• रेशम चौधरीलाई रिहाइ अभियान संचालन गर्ने ।
• बैठकले बाँकी निर्णयका लागि ५ शीर्ष नेताहरूलाई अधिकार दिएको छ ।