प्रधानमन्त्री निवासमा हुने दशैंको टीका कार्यक्रम यसपटक नहुने भएको छ ।

बडादशैंका अवसरमा शुक्रवार देशवासीका नाममा सम्बोधन गर्दै प्रधानमन्त्री केपी शर्मा ओलीले यसपटक कोरोनाको बढ्दो संक्रमणका कारण दशैंको सार्वजनिक टीका कार्यक्रम आयोजना नगर्न आफूले निर्देशन दिइसकेको बताएका हुन् ।

'संक्रमणको सम्भावित खतरालाई ध्यानमा राखी मैले पनि यसपालि प्रधानमन्त्री निवासमा हुने ‘बडादशैंको सार्वजनिक टीका कार्यक्रम’ नराख्न निर्देशन गरिसकेको छु,' प्रधानमन्त्री ओलीले भने ।

यसअघिका वर्षहरूमा प्रधानमन्त्रीले बालुवाटारमा आफ्ना कार्यकर्ता तथा शुभचिन्तकहरूलाई दशैंको टीका लगाइदिने गरेका थिए ।

पढ्नुहोस्, यो पनि :

जो जहाँ छौं, त्यहीँ रहेर दशैं‌ मनाऔं : प्रधानमन्त्री ओली [सम्बोधनको पूर्णपाठ]

निजी अस्पतालमा गएर आफ्नै खर्चमा कोरोनाको उपचार गराउने कार्य प्रशंसनीय छ : प्रधानमन्त्री ओली