२१ जेठ २०८३, बिहीबार
नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’को परिवारले घरभित्रै दशैं मनाएको छ ।
प्रचण्ड र पत्नी सीता दाहालले टीका नलाएपनि छोरीहरुलाई टीका लगाइदिएर दशैं मनाएका हुन् ।
चितवनको भरतपुर महानगरपालिकाकी मेयर समेत रहेकी प्रचण्ड पुत्री रेणु दाहालले सार्वजनिक गरेको दशैंको फोटोमा प्रचण्ड र सीताले टीका लगाएका छैनन् ।
सोफामा बसेका प्रचण्डले सीतालाई समातेका छन् भने छोरीहरु रेणु र गंगा दाहाल आमासँगै बसेका छन् ।
माओवादी सशस्त्र संघर्षको समयमा दशैंमा टीका नलगाएपनि पछिल्ला वर्षमा प्रचण्डको परिवारले दशैंको टीका लगाउने गरेका छन् । रेणु र गंगाले उस्तै पोसाक लगाएका छन् ।
