०२ साउन २०८३, शनिबार
चीनको सरकारी टेलिभिजनले लाइभ फायर अभ्यासका क्रममा चिनियाँ सैनिकहरूले शत्रुको लक्ष्यभेद गर्न अनेकौं क्षेप्यास्त्र प्रहार गरेको भिडियो सार्वजनिक गरेको छ ।
विशाल स्तरको सैन्य अभ्यास बेइजिङको रकेट फोर्सले गरेको हो । उक्त क्षेप्यास्त्र डिभिजन चिनियाँ जनमुक्ति सेनाअन्तर्गत पर्छ ।
सैनिकहरूले दिनभरि अनि राति पनि दोङफेङ क्रुज क्षेप्यास्त्रहरू लक्ष्यमा सटीक तरिकाले लाग्ने गरी प्रहार गरेको चिनियाँ सञ्चारमाध्यमले खबर दिएको छ ।
भिडियोमा कम्तीमा ५ वटा सैन्य ट्रकहरू देखिन्छन् । ती प्रत्येकमा तीनवटा क्षेप्यास्त्र प्रक्षेपकहरू छन् ।
अनेकौं वारहेड हतियारहरू आकाशमा उडेको पनि भिडियोमा देखिन्छ । सैनिकहरूले पूरै अनुहार ढाक्ने मास्क लगाएको देखिन्छ ।
चीनको सैन्यशक्तिको प्रदर्शन संसारलाई गर्नका लागि लगातार सैन्य अभ्यासको भिडियो सार्वजनिक गरिरहेको छ ।
