२२ असार २०८३, सोमबार
स्वास्थ्य तथा जनसंख्या मन्त्रालयले पछिल्लो २४ घण्टामा २ हजार ५६९ जनामा कोरोना संक्रमण देखिएको जनाएको छ ।
१० हजार ८१ जनाको पीसीआर परीक्षण गरिएकोमा २ हजार ५६९ मा संक्रमण देखिएको मन्त्रालयले निकालेको सूचनामा उल्लेख छ ।
यससँगै नेपालमा सक्रिय संक्रमितको संख्या ३८ हजार ९ सय १२ पुगेको छ ।
पछिल्लो २४ घण्टामा १६ सय ६६ संक्रमणमुक्त भएर डिस्चार्ज भइसकेका छन् भने हालसम्म नेपालमा संक्रमणमुक्त हुनेको संख्या १ लाख ६२ हजार २ सय ४३ पुगेको छ ।
मन्त्रालयले पछिल्लो २४ घण्टामा कोरोनाका कारण २६ जनाको मृत्यु भएको जनाएको छ ।
