१० साउन २०८३, आइतबार
विकसित पछिल्लो राजनीतिक घटनाक्रमको समीक्षा, छिमेकी देशसँगको सम्बन्ध तथा राजावादीहरूको प्रदर्शनबारे छलफल गर्न सर्वदलीय बैठक बालुवाटारमा शुरू भएको छ ।
प्रधानमन्त्री केपी शर्मा ओलीको आह्वानमा मंगलवार सर्वदलीय बैठक शुरू भएको हो ।
देशका विभिन्न ठाउँमा पूर्वराजावादीको प्रदर्शन बढेपछि यसबारे छलफल गर्न ओलीले सर्वदलीय बैठक आह्वान गरेका हुन् । संसद्मा प्रतिनिधित्व गर्ने सबै दलका नेताहरू बैठकमा सहभागी छन् ।
बैठकमा प्रधानमन्त्री एवं नेकपा अध्यक्ष ओलीका अलावा अर्का अध्यक्ष पुष्पकमल दाहाल प्रचण्ड, वरिष्ठ नेता माधवकुमार नेपाल र झलनाथ खनाल, उपाध्यक्ष वामदेव गौतम, कांग्रेसका तर्फबाट सभापति शेरबहादुर देउवा, वरिष्ठ नेता रामचन्द्र पौडेल, कृष्ण सिटौला, डा.प्रकाशशरण महत, जनता समाजवादी पार्टीका तर्फबाट उपेन्द्र यादव, नेमकिपाका तर्फबाट प्रेम सुवाललगायत सहभागी छन् ।
बैठकमा प्रमुख प्रतिपक्षी दल नेपाली कांग्रेसका सभापति शेरबहादुर देउवा, नेकपा अध्यक्ष पुष्पकमल दाहाल प्रचण्ड लगायत सहभागी छन् ।
एक महिनायता देशका विभिन्न स्थानमा राजावादीहरूको प्रदर्शन भइरहेका छन् । गत शनिवार प्रधानमन्त्री ओलीको गृहजिल्लामा पनि राजावादीको वृहत प्रदर्शन भएको थियो ।
यसअघि प्रधानमन्त्री ओलीले कोभिड नियन्त्रण र नयाँ नक्सा जारी गर्ने बेलामा पनि सर्वदलीय बैठक आह्वान गरेका थिए ।
नेकपा अध्यक्ष पुष्पकमल ,वरिष्ठ नेता माधव कुमार नेपाल,झलनाथ खनाल,वामदेव गौतम, कांग्रेसको तर्फबाट सभापति शेर बहादुर देउवा,वरिष्ठ नेता रामचन्द्र पौडेल,कृष्ण सिटौला,डा.प्रकाशशरण महत, नेमकिपाको तर्फबाट प्रेम सुवाल,जनता समाजवादी पार्टीका तर्फबाट उपेन्द्र यादव
