०८ साउन २०८३, शुक्रबार
प्रहरीले संरक्षित वन्यजन्तु गैंडाको खागसहित पाँच जनालाई पक्राउ गरेको छ ।
खागको कारोबार भइरहेको भन्ने सूचनाका आधामार अपराध महाशाखाबाट खटिएको टोलीले स्यम्भूको किमडोलबाट उनीहरुलाई पक्राउ गरेको हो । पक्राउ पर्नेमा एक जना महिला पनि छन् ।
बिक्रीका लागि भनि कोठामा राखिएको अवस्थामा खाग बरामद गरिएको छ ।
पक्राउ पर्नेमा काठमाडौं–२३ का ४१ वर्षीय रिकेश शाक्य, ३५ वर्षीय सुरेश शाक्य, ३९ वर्षीय अनिल श्रेष्ठ, २६ वषीय रामसिंह तामाङ र नुवाकोट मेघाङकी २२ वर्षीया महिला मुना तामाङ रहेको अपराध महाशाखाले जनाएको छ ।
