०७ असार २०८३, आइतबार
आमिर खान
यो वर्ष यसरी बित्छ भन्ने सपनामा पनि कसैले सोँचेका थिएनन् । विश्वभरका मानिसका लागि यो वर्ष निकै कष्टकर बन्यो ।
यस्तो अवस्थामा फिल्म क्षेत्रमा पनि ठूलै नोक्सान भएको छ । सिनेमाघर बन्द भएका कारण फिल्म रिजिल हुन सकेनन् । कैयौं फिल्म सुटिङ पनि हुन सकेका छैनन् ।
फिल्म दर्शकले यस वर्ष आफ्नो फेबरेट एक्टर्सको अभिनय पनि देख्न पाएनन् । बलिउडका मिस्टर परफेक्सनिस्ट आमिर खान यस वर्ष आफ्नो फिल्म ‘लालसिंह चढ्डा’ मा देखिने थिए ।
तर, कोरोना भाइरसका कारण यो फिम्को सुटिङ नै पूरा हुनसकेन । समयमै पूरा नभएका कारण फिल्म रिलिजको समय सारिएको छ । अब यो फिल्म २०२१ को क्रिसमसमा हुने भएको छ ।
अनुष्का शर्मा
अनुष्का शर्मालाई गतवर्ष आएको फिल्म ‘जिरो’मा देखिएको थियो । त्यसपछि उनले कुनै फिल्ममा साइन गरेकी छैनन् ।
यद्यपि उनी आफ्नो प्रोडक्सन हाउसमार्फत ठूलो योजनामा काम गरिरहेकी छन् । २०२० मा सबैभन्दा उत्कृष्ट वेश सिरिजमध्ये एक पाताल लोक उनले प्रोड्युस गरेकी थिइन ।
यसका साथै नेटफ्लिक्सको फिल्म बुलबुलको निर्माण पनि उनले गरेकी थिइन् । हिजोआज उनी आफ्नो हुनेवाला बच्चालाई ध्यान दिनमा व्यस्त छिन् । बच्चाको जन्मपछि फिल्ममा काम गर्ने उनले बताएकी छन् ।
रानी मुखर्जी
रानी मुखर्जीको फिल्म बन्टी र बबली २०२० २ जुनमा रिलिज हुने भनिएको थियो । तर, कोरोना भाइरसका कारण यस फिल्मको पनि सुटिङ पूरा हुन सकेन ।
सिनेमाघर बन्द भएका कारण पनि उनको फिल्मको रिलिज समय सारिएको छ । यसैकारण यो वर्ष रानी मुखर्जीलाई पनि दर्शकले देख्न पाएनन् ।
कटरीना कैफ
कटरीना कैफ यस वर्ष अक्षय कुमारसँग फिल्म सूर्यवंशीमा देखिने थिइन् । तर, उनी पनि कोरोनाकै कारण दर्शकमाझ फिल्ममा देखिन सकिइनन् ।
निर्देशक रोहित सेट्टीले आगामी वर्ष फिल्मघरमा रिलिज गर्ने बताएका छन् । यसका साथै कटरीना कैफको यस वर्ष अन्य कुनै प्राजेक्टमा काम भएको छैन ।
रणवीर सिंह
रणवीर सिंहको फिल्म ८३ को सबैलाई पर्खाइ थियो । १० अप्रिल २०२० मा यो स्पोर्टस ड्रामा फिल्म रिजिल गरिने तयारी गरिएको थियो ।
तर, उनको फिल्म पनि कोरोनाकै चपेटामा पर्यो । रणवीरको फिल्म जयेशभाई जोदार पनि यस वर्ष रिलिज हुन सकेन । यसकारण रणवीरलाई पनि फिल्मी पर्दामा देख्न सकिएन ।
सलमान खान
२०२० सायदै पहिलो वर्ष हो जब सलमान खानको कुनै पनि फिल्म वर्षभर रिलिज हुन सकेन । सलमानको फिल्म ‘राधेः योर मोस्ट वान्टेड भाई’ लाई इदमा रिलिज गर्ने तयारी गरिएको थियो ।
तर, कोरोनाका कारण सबै तयारी भए पनि रिलिज हुन सकेन । यो फिल्मको सुटिङ पनि सकिएको छ ।
तर, पोस्ट प्रोडक्सनको काम अझै जारी छ । अब यो फिल्म कहिले रिलिज हुन्छ भन्ने कुनै जानकारी दिइएको छैन ।
शाहरुख खान
२०२१ मा फिल्म जिरोको असफलतापछि शाहरुख खानले कुनै पनि फिल्ममा साइन गरेका छैनन् । दर्शकलाई बलिउड बादशाहको फिल्मको निकै पर्खाई छ ।
यस वर्ष शाहरुख अन्य प्राजेक्टमाथि अनुमान लगाइएको थियो । अन्य कामका कारण फिल्ममा नदेखिएको हुनसक्ने अनुमान गरिएको छ ।
तर, उनले नयाँ कुनै प्राजेक्टमा काम गरिरहेको बारे कुनै जानकारी दिएका छैनन् । खबरअनुसार शाहरुख यशराजको फिल्म पठानमा देखिने भएका छन् । यसको औपचारिक घोषणा भइसकेको छ ।
