३१ जेठ २०८३, आइतबार
सुनसरीको कोशी गाउँपालिका–४ मा पुनः हात्तीको आक्रमणबाट १ जनाको मृत्यु भएको छ ।
सोमवार राति कोशी टप्पु वन्यजन्तु आरक्षबाट निस्केको हात्तीको आक्रमणमा परेर कोशी–५ का मोती कामैतको घटनास्थलमै मृत्यु भएको स्थानीय अरुण मण्डलले बताए ।
दैनिकरूपमा आरक्षबाट निस्किने जंगली हात्तीले आक्रमण गर्न थालेपछि स्थानीयले कटानमा चक्काजाम समेत गरेका छन् ।
केही दिनअघि पनि आरक्षबाट निस्केको हात्तीले कोशी गाउँपालिका–६ का प्रमोदकुमार यादवलाई आक्रमण गर्दा यादवको घटनास्थलमै मृत्यु भएको थियो । आरक्षमा रहेको माकुना हात्ती बौलाएको र त्यसलाई नियन्त्रण वा मार्नुपर्ने स्थानीयले माग समेत गरेका छन् ।
माकुना हात्तीले हालसम्ममा योसहित १४ जनाको ज्यान लिइसकेको बताइएको छ ।
