भारतमा कोरोना भाइरसको नयाँ स्ट्रेनले आफ्नो फैलावट शुरु गरेको पाइएको छ । बेलायतबाट फर्किएकामध्ये २० यात्रीमा अहिलेसम्म नयाँ स्ट्रेनको कोरोना संक्रमण पाइएको छ ।

यसअघि पनि देशका विभिन्न ठाउँमा ६ व्यक्तिमा संक्रमण देखिएको छ । बेलायतमा  भने यो भाइरसले अहिले त्रास मच्चाएको छ ।

जसपछि बेलायतबाट भारत आउने फ्लाइटमा रोक लगाइएको छ । यद्यपि पछिल्लो समय बेलायतबाट जति पनि आएका थिए । उनीहरु सबैको जाँच भइरहेको भारतीय स्वास्थ्य मन्त्रालयले जनाएको छ । 

मंगलबार उत्तर प्रदेशको मेरठमा २ वर्षकी बालिकामा नयाँ स्ट्रेनको कोरोना पुष्टि भएको थियो । बालिकाका परिवार कोरोना स्ट्रेनको प्रकोप बढ्न थालेपछि बेलायतबाट फर्किएका थिए ।

उनका मातापितालाई पनि पोजेटिभ देखिएको छ । बुधबार पुणे र हैदरावादमा पनि कोरोना नयाँ स्ट्रेनको संक्रमण पाइएको छ ।

बेलायतबाट शुरु भएको कोरोनाको नयाँ स्ट्रेनको फैलिने दर ७० प्रतिशत विनाशकारी भएको वैज्ञानिकहरुले चेतावनी दिएका छन् ।