३० जेठ २०८३, शनिबार
नेपाल कम्युनिस्ट पार्टी (नेकपा) ओली पक्षीय नेता तथा लुम्बिनी प्रदेशका मुख्यमन्त्री शंकर पोखरेलले सरकारको सिफारिसमा राष्ट्रपति विद्यादेवी भण्डारीले संसद विघटन गरेर वैशाख १७ र २८ गतेका लागि निर्धारित निर्वाचन भएरै छाड्ने बताएका छन् ।
चितवनमा आयोजित ओली पक्षीय भेलालाई सम्बोधन गर्दै मुख्यमन्त्री पोखरेलले भने, ‘चुनाव त भयो भयो, चुनावमा नजाने पछुताउँछन् ।’
प्रचण्ड–नेपाल पक्षलाई राजधानी केन्द्रित नभई निर्वाचन क्षेत्र केन्द्रित आन्दोलन गर्न मुख्यमन्त्री पोखरेलले आग्रह गरे ।
‘आन्दोलन गर्न निर्वाचन क्षेत्र र गाउँतिर जानुस् । हुन त उहाँहरूको दोस्रो चरणको आन्दोलन गाउँतिरै छ, कुरा बुझिसक्नुभएको छ । कांग्रेसले पनि निर्वाचन क्षेत्र केन्द्रित आन्दोलन गरिरहेको छ,’ उनले भने, ‘उहाँहरूको आन्दोलन चुनाव क्षेत्रतिर भइसकेको छ, बाटो सोझिइसकेको छ ।’
भेलामा उनले चुनाव हुन्छ कि हुँदैन भनेर द्विविधा राख्दै नराख्नुस् नेता कार्यकर्तालाई आग्रह गरेका छन् ।
