११ साउन २०८३, सोमबार
पाकिस्तानको सिन्ध प्रान्तलाई बेग्लै सिन्धुदेश बनाउन माग गर्दै आइतवार प्रदर्शन गरिएको छ ।
प्रदर्शनमा भाग लिएका मानिसले भारतका प्रधानमन्त्री नरेन्द्र मोदी र संसारका अन्य नेताको तस्वीर बोक्दै सिन्धुदेश बनाउन माग राखेका हुन् । त्यसक्रममा प्रदर्शनकारीहरूले स्वतन्त्रताको समर्थनमा नारा लगाएका थिए ।
समाचार संस्था एएनआईका अनुसार, जुलूस सान बस्तीमा निकालिएको थियो । सिन्धको भूमि चीनलाई दिइएको र समुद्री क्षेत्र पनि चीनलाई माछा समात्न दिइएको भन्दै उनीहरूले विरोध गरेका छन् ।
सिन्धका विभिन्न पार्टीले बंगलादेश स्वतन्त्र भएदेखि नै सिन्धको पनि स्वतन्त्रताको माग गरिरहेका हुन् ।
चीन पाकिस्तान आर्थिक कोरिडोरको विरोध गर्ने पनि ती पार्टीहरूको धारणा छ । चीनले सिन्ध र बलुचिस्तानमा कब्जा गर्न चाहेको बलूच राजी अलोई संगर संगठनका प्रवक्ता बलोच खानले बताएका छन् ।
