२० असार २०८३, शनिबार
नेपालका लागि भारतीय राजदूत विनयमोहन क्वात्राले भारतबाट आएको कोरोना भाइरस (कोभिड–१९) विरुद्धको खोप स्वास्थ्य तथा जनसंख्या मन्त्री हृदयेश त्रिपाठीलाई हस्तान्तरण गरेका छन् ।
बिहीवार काठमाडौं पुगेको खोप त्रिभुवन अन्तर्राष्ट्रिय विमानस्थलमा राजदूत क्वात्राले मन्त्री त्रिपाठीलाई हस्तान्तरण गरेका हुन् ।
भारत सरकारले कोरोना विरुद्धको १० लाख मात्राको खोप सहयोग गर्ने जनाएको छ ।
बुधवार स्वास्थ्य मन्त्रालयमा संयुक्त पत्रकार सम्मेलन गर्दै मन्त्री त्रिपाठी र राजदूत क्वात्राले खोपबारे जानकारी दिएका थिए ।
भारतले नेपालसहित भुटान, बंगलादेश, माल्दिभ्स, म्यान्मा र सेसेल्सलाई पनि खोप अनुदान सहायता स्वरूप उपलब्ध गराएको छ ।
नेपालले कूल जनसंख्याको ७२ प्रतिशतलाई खोप लगाउन उपयुक्त जनसंख्याका रूपमा तय गरिसकेको छ । पहिलो चरणमा अनुदानमा प्राप्त खोप अग्रपंक्तिमा खटिनेहरूलाई दिइने जनाइएको छ ।
