चर्चित डाक्टर तथा वरिष्ठ मुटुरोग विशेषज्ञ डा. भगवान कोइरालाको मिर्गौलाको पत्थरी सम्बन्धी शल्यक्रिया गरिएको छ ।

गत बुधवार बिहानदेखि पिसाबमा संक्रमण भएपछि डा. कोइराला अस्पताल भर्ना भएका थिए । 

सामाजिक सञ्जाल फेसबूकमार्फत जानकारी दिँदै डा. कोइरालाले मिर्गौलामा ४ मिलिमिटरको पत्थरी देखिएपछि शल्यक्रिया गरिएको जनाएका छन् ।

उनले लेखेका छन्, ‘ मेरो पेशागत जीवनमा २४ घण्टासम्म फोन नउठाएको पहिलोपल्ट थियो । वास्तवमा उठाउन नै सकिनँ । अनि बन्द गर्न ठिक ठानें । ३ रात सहनै नसकिने गरी भएको दुखाइसँग संघर्षरत थिएँ । जसको कारण मूत्रनली र मिर्गौलामा ४ मिलिमिटरका २ वटा साना पत्थर थिए ।’

शल्यक्रियापछि शरीर सुन्निएको र असामान्य दुखाइ भए पनि अहिले सञ्चो हुँदै गएको डा. कोइरालाले जनाएका छन् ।