नेकपा ओली समूहले शुक्रवार काठमाडौंमा गरिरहेको जनसभाअघि राजधानीका १६ क्षेत्रबाट र्‍याली शुरू हुँदैछ ।

नेकपा बागमती प्रदेश अध्यक्ष आनन्दप्रसाद पोखरेलले विभिन्न रुटबाट र्‍याली निस्केर नारायणहिटी अगाडि भेला हुने जानकारी दिए ।

प्रधानमन्त्री केपी शर्मा ओलीको सहभागितामा नेकपा ओली समूहले शुक्रवार नारायणहिटी दरबार संग्रहालय अगाडि जनसभा गर्दैछ ।

काठमाडौंको बागबजार, प्रदर्शनी मार्ग, महेन्द्र शालिक पूर्व, घण्टाघर, नेपाल एयरलाइन्स, त्रिपुरेश्वर, गौशाला, माइतीघर, पुतलीसडक, लैनचौर, सोह्रखुट्टे नयाँ रोड, टेकु, बसन्तपुर, सोह्रखुट्टे, ज्ञानेश्वर र पुरानो बानेश्वरबाट र्‍याली निस्किने भएका छन् ।