२८ जेठ २०८३, बिहीबार
अदालतको अवहेलना मुद्दामा पूर्व प्रधानन्यायाधीशहरूले सर्वोच्च अदालत पुगेर लिखित जवाफ पेश गरेका छन् ।
सोमवार मध्याह्न अदालत पुगेका पूर्व प्रधानन्यायाधीशहरूले आफूहरूसँग अदालतले मागेको जवाफ पेश गरेका हुन् ।
'आजै म्याद बुझ्यौं र आजै जवाफ दियौं,' पूर्व प्रधानन्यायाधीश शर्माले सञ्चारकर्मीसँग भने ।
पूर्व प्रधानन्यायाधीशहरू मीनबहादुर रायमाझी, अनुपराज शर्मा, कल्याण श्रेष्ठ र सुशीला कार्की सोमवार सर्वोच्च अदालत पुगे थिए ।
अदालतमा विचाराधीन विषयमा विज्ञप्ति जारी गरेर प्रभावित गर्न खोजेको भन्दै उनीहरूविरुद्ध अवहेलना मुद्दा दर्ता भएको थियो ।
न्यायाधीश मनोजकुमार शर्माको इजलासले उनीहरूलाई लिखित जवाफ लिएर आफैँ अदालतमा उपस्थित हुन आदेश जारी गरेको थियो ।
प्रतिनिधि सभा विघटनका विरुद्धमा चार पूर्व प्रधानन्यायाधीशले विज्ञप्ति प्रकाशित गरेका थिए ।
