२१ असार २०८३, आइतबार
अमेरिकाको लस एंजिलिसमा भएको सडक दुर्घटनामा परी गल्फका चर्चित खेलाडी टाइगर वूड्स घाइते भएका छन् ।
नजिकैको अस्पतालमा उनको उपचार चलिरहेको छ । उनको गोडामा चोट लागेको बताइएको छ ।
गाडीभित्रको एयरब्यागका कारण वूड्सको ज्यान बाँचेको बताइएको छ ।
लस एन्जिलिसको स्थानीय समयअनुसार मंगलवार बिहान ७ः१२ मा रोबिङ हिल्स एस्टेट्स र र्यान्चो पालोस वेरिड्स नजिक वूड्सको कार दुर्घटनामा परेको थियो ।
उनले कार चलाइरहेको र कारमा उनीसँग कोही पनि नभएको बताइएको छ । कार निकै धेरै स्पीडमा रहेको र डिभाइडरमा ठोकिएर दुर्घटना भएको बताइएको छ ।
एसयूभीको एयरब्याग सही समयमा खुलेकाले वूड्सलाई गम्भीर चोटपटक नलागेको हो ।
टाइगर वूड्स अमेरिकाका प्रोफेसनल गल्फ खेलाडी हुन् र अहिलेसम्मकै सबभन्दा सफल पनि । कुनै समयमा उनी संसारकै सबभन्दा महंगा खेलाडी थिए ।
