पूर्वमन्त्री प्रदीप नेपालले नेकपा नेताहरुलाई सर्वोच्च अदालतको फैसलाले आत्ममन्थन गर्ने मौका दिएको बताएका छन् । मंगलबार सर्वोच्च अदालतले प्रतिनिधिसभा विघटनको निर्णय बदर गरिदिएसँगै नेपालले यस्तो बताएका हुन् ।
पछिल्लो समय राजनीतिमा निष्क्रिय जस्तै रहेका नेता नेपालले अहिले नेकपा राजनीतिक रुपमा विभाजित बनेको अवस्थामा एकतामै जोड दिएका हुन् । समय घुमीघुमी नआउने भन्दै नेताहरुलाई मिलेर अघि बढ्न उनको सुझाव छ।
उनले भनेका छन्, ‘अदालतको फैसलाले नेकपाका नेताहरुलाई आत्ममन्थन गर्ने मौका दिएको छ । समय घुमीघुमी आउँदैन’, उनले सामाजिक सञ्जालमार्फत भनेका छन् ।