२८ जेठ २०८३, बिहीबार
प्रधानमन्त्रीसमेत रहेका नेकपा संसदीय दलका नेता केपी शर्मा ओलीले प्रमुख सचेतकमा सांसद विशाल भट्टराईलाई नियुक्त गरेका छन् ।
यसअघि प्रमुख सचेतक रहेका देव गुरुङलाई बर्खास्त गरेर ओलीले भट्टराईलाई प्रमुख सचेतक नियुक्त गरेका हुन् ।
'संसदीय दलको नेताले स्वविवेकीय अधिकार प्रयोग गरेर मलाई प्रमुख सचेतकमा नियुक्त गर्नुभएको हो,' भट्टराईले लोकान्तरसँग भने ।
केही बेरअघि ओलीले भट्टराईलाई बोलाएर प्रमुख सचेतकमा नियुक्त गरिएको भन्दै पत्र थमाएका हुन् ।
भट्टराईले भने, 'संसदीय दलको नेताले प्रमुख सचेतक छान्ने हाम्रो दलको नियमावली छ, त्यही नियमावलीमा भएको अधिकार प्रयोग गर्नुभएको हो । मलाई नियुक्तिको पत्र दिनुभएको छ ।'
