१३ असार २०८३, शनिबार
पश्चिम बंगाल समेत चार राज्य र एक केन्द्रशासित प्रदेशका लागि विधानसभा निर्वाचनको मिति घोषणा गरिएको छ ।
मे २ मा यी सबै राज्यको मतगणना गरिनेछ ।
चुनावको मिति घोषणा भएसँगै आचारसंहिता लागू भएको छ । राजनीतिक दल मतदाताहरूलाई लोभ्याउने प्रयास गर्न थालेका छन् ।
केन्द्रशासित प्रदेश पुडुचेरीमा गरिएको मतसर्वेक्षण्मा भाजपा नेतृत्वको एनडीएले ४६ प्रतिशत मत पाउने देखिएको छ भने कांग्रेस गठबन्धनले ३६ प्रतिशत पाउन सक्छ । सीटको आधारमा हेर्दा एनडीएले १७ देखि २१ अनि कांग्रेस गठबन्धनले ८ देखि १२ सीट पाउन सक्छ ।
केरल विधानसभाको कुरा गर्दा सीपीआई (एम) को नेतृत्वमा रहेको लेफ्ट डेमोक्रेटिक फ्रन्टले ८३ देखि ९१ सीत, कांग्रेसको नेतृत्वमा रहेको युनाइटेड डेमोक्रेटिक फ्रन्टले ४७ देखि ५५ सीट पाउने अनि भाजपाले ० देखि दुई सीट पाउने सम्भावना छ ।
तमिलनाडुमा एआईएडीएमके गठबन्धनले २९ प्रतिशत मत पाउन सक्छ भने डीएमके गठबन्धनले लगभग ४१ प्रतिशत मत पाउने देखिन्छ । अन्यले लगभग ३० प्रतिशत मत पाउन सक्छन् ।
सीटको कुरा गर्दा एआईएडीएमके गठबन्धनले ५८ देखि ६६ सीट पाउने देखिन्छ । डीएमके गठबन्धनले १५४ देखि १६२ सीटका साथ सरकार बनाउने अनुमान छ । अन्य दलले जम्मा आठ सीट पाउन सक्छन् ।
असममा गरिएको मतसर्वेक्षणमा भाजपा गठबन्धनले ४२ प्रतिशत अनि कांग्रेस गठबन्धनले ३१ प्रतिशत मत पाउन सक्छ । अन्यले २७ प्रतिशत भोट पाउन सक्छ ।
१२६ सदस्यीय विधानसभामा भाजपा गठबन्धनले ६८ देखि ७६ सीट अनि कांग्रेस गठबन्धनले ४३ देखि ५१ सीट पाउन सक्ने देखिएको छ ।
सबैको नजर परेको पश्चिम बंगालमा सीटको कुरा गर्दा ममता बनर्जीको नेतृत्वमा रहेको तृणमूल कांग्रेस पुनः एकपटक सत्तामा फर्किने देखिन्छ । टीएमसीले १४८ देखि १६४ अनि भाजपाले ९२ देखि १०८ सीट जित्ने अनुमान गरिएको छ । कांग्रेस र वाम गठबन्धनले ३१ देखि ३९ सीट जित्न सक्छ ।
बंगालको कुल २९४ विधानसभा सीटमा मत प्रतिशत हेर्दा टीएमसीले ४३ प्रतिशत अजि भाजपाले ३८ प्रतिशत भोट ल्याउन सक्छ । कांग्रेस लेफ्ट गठबन्धनले जम्मा १३ प्रतिशत मत पाउन सक्छ ।
