चीनमा सन् २०२० मा थपिए २५९ अर्बपति

कोभिड महामारीलाई छिटो व्यवस्थापन गरेर चीनले सन् २०२० मा थप २५९ जना अर्बपति जन्माएको छ । 
 

हुरुन ग्लोबल रिच लिस्टमा देखिएअनुसार, २५९ चिनियाँहरू सन् २०२० मा अर्बपतिको क्लबमा समावेश भएका छन् । यससँगै देशमा १ हजार ५८ अर्बपतिहरू पुगेका छन् जुन आफैंमा कीर्तिमान हो । 


Advertisement

अमेरिकाले यसै अवधिमा ७० नयाँ अर्बपति जन्माएको छ र उसको कुल अर्बपतिको संख्या ६९६ छ । 

सन् २०२० मा अर्थतन्त्रमा वृद्धि हुने प्रमुख मुलुक चीन मात्र थियो । उसको कुल गार्हस्थ्य उत्पादन २.३ प्रतिशतले बढेको छ । 

यस वृद्धिका कारण नयाँ अर्बपतिहरू जन्मिएका हुन् । चीनका सबभन्दा धनी अर्बपति चोङ शानशान हुन् । नोङ्फु पानी बोतल कम्पनीका मालिक चोङसँग ८५ अर्ब डलर बराबरको सम्पत्ति छ । 
 

अलीबाबा कम्पनीका मालिक ज्याक मा चाहिँ चिनियाँ नेताहरूलाई चिढ्याएपछि सम्पत्ति गुमाउन पुगेका थिए । 
 

एजेन्सी
एजेन्सी

लेखकबाट थप...

कमेन्ट गर्नुहोस्