भूमिगत राजनीति गर्दै आएको नेकपा (विप्लव समूह)का महासचिव नेत्रविक्रम चन्द 'विप्लव' आज (शुक्रवार) सार्वजनिक हुँदैछन् ।

सरकार र विप्लव समूहबीच भएको सहमतिमा हस्ताक्षर गर्न राष्ट्रिय सभागृहमा आयोजित समारोहमा विप्लव सार्वजनिक हुन लागेका हुन् ।

त्यसअघि प्रधानमन्त्री निवास बालुवाटार पुगेर विप्लवले प्रधानमन्त्री केपी शर्मा ओलीसँग भेटवार्ता गर्दैछन् । नवलपरासीबाट सडकमार्ग हुँदै विप्लव काठमाडौं आएका हुन् ।

हस्ताक्षर समारोहमा प्रधानमन्त्री ओली, विप्लव लगायतले सम्बोधन गर्ने कार्यक्रम छ । समारोहका लागि सभागृहमा मञ्च तयारी अवस्थामा राखिएको छ ।