शान्तिपूर्ण राजनीतिमा आएसँगै नेकपा विप्लव समूहका नेता कार्यकर्ता धमाधम रिहा हुन थालेका छन् ।
गृह मन्त्रालयको निर्देशनमा काभ्रे प्रहरीको हिरासतमा रहेका नेता धर्मेन्द्र बाँस्तोला शुक्रबार बिहान रिहा भए ।
यस्तै  नेता ओमप्रकाश पुन र विवेक कुमाल कैलाली कारागारवाट रिहा भएका छन्।  

सो पार्टीको पूर्वसेती महाकाली ब्यूरो इन्चार्जसमेत  पुन गत साउनमा पक्राउ परेका थिए ।

नेता पुनलाई हात हतियारसम्बन्धी र कुमाललाई सङ्गठित अपराधसम्बन्धी मुद्दा लगाइएको थियो ।

अन्यलाई पनि प्रक्रिया पुरा गरेर रिहा गरिने सरकारले जनाएको छ । विप्लव समूहका १ सय बढी नेता कार्यकर्ता जेल तथा अनुसन्धानका क्रममा हिरासतमार रहेका छन् ।