०८ असार २०८३, सोमबार
भारतको उत्तराखण्ड राज्यका नयाँ मुख्यमन्त्री तीरथ सिंह रावतले प्रधानमन्त्री नरेन्द्र मोदीको तुलना भगवान् रामसँग गरेका छन् ।
एक सार्वजनिक कार्यक्रममा उनले भने, आजकल विभिन्न देशका नेताहरू प्रधानमन्त्री नरेन्द्र मोदीसँग फोटो खिचाउन तँछाडमछाड गर्छन् । पहिलाको भन्दा यो फरक स्थिति हो । पहिला संसारका अन्य नेताहरूलाई हाम्रो राष्ट्रप्रमुखसँग खासै मतलब हुँदैनथियो । नरेन्द्र मोदीका कारण यसमा परिवर्तन आएको छ । उहाँले नयाँ भारत बनाउनुभएको छ ।’
आइतवार एक सामाजिक संस्थाले आयोजना गरेको नेत्र कुम्भ नामक कार्यक्रममा रावतले यस्तो बयान दिएका हुन् ।
मोदी जिन्दाबादका नाराहरूबीच रावतले भने, ‘भगवान् रामले समाजका लागि राम्रो काम गर्नुभएको थियो त्यसैले मानिस उहाँलाई भगवान् मान्थे । भविष्यमा हाम्रा प्रिय प्रधानमन्त्रीलाई पनि यसै गरिनेछ ।’
